«Ջանդ յուղի, ապեր, քեզ ոչ Սերժն ա օգնելու, ոչ ալավերդցի գողականները». Էդմոն Մարուքյանը` Էդուարդ Շարմազանովին

ԼՀԿ ղեկավար Էդմոն Մարուքյանը ֆեյսբուքյան իր տեսանյութով դիմում է ՀՀԿ Գործադիր մարմնի անդամ Էդուարդ Շարմազանովին. «Հանրապետական կուսակցության տարբեր մանրումեծ տրամաչափի գործիքներ վիրավորական արտահայտություններով արձագանքում են առավոտյան մեր փոքրիկ եթերին: 2 րոպեանոց եթերում ցույց եմ տվել՝ ոնց է Սերժ Սարգսյանն աջակցում Նիկոլ Փաշինյանին, որևէ վիրավորական բան չեմ ասել: Էդ ա՝ ինչ ասես ասում են, բոլորով վիրավորում են, բայց այստեղ առանցքային Շարմազանովն է: Ճզմըմ ա ինձ: Էդոն ինձ լավ ա ճանաչում, մի անգամ էլի վիրավորել էր ինձ, եկավ ներողություն խնդրեց: Կնոջդ կբարևես, բան, ասի լավ, անցած լինի: Ինչի՞, որովհետև երեխեքս փոքր էին, պահանջեցի, որ պիտի հրապարակային ներողություն խնդրի, հրապարակային էլ ներողություն խնդրեց: Ուզում եմ ասել՝ Շարմազանով, երեխեքը մեծացել են, ապեր, կարող են իրենց շրջապատի մարդկանց հետ տեսնեն, որ իրենց հորը վիրավորում են: Դրա համար, Շարմազանով, էս անգամ դու չես կարա տենց ներվես: Ես քեզ պատժելու եմ ու քեզ ոչ Սերժն ա օգնելու, ոչ ալավերդցի գողականները: Հետևաբար դու արդեն գիտես՝ ես քեզ ոնց եմ պատժելու: Հրահանգավորված էդ ֆաս հրամանով, որ հարձակվել ես, չափ կա, անձնական վիրավորանք, որ տալիս ես, պիտի իմանաս: Քո երեխեքն էլ են բավականին մեծ, ես քեզ կյանքում անձնական վիրավորած կա՞մ: Ջանդ յուղի, ապեր: Կամ կարաս էլի լայվ անես, ասես՝ ներողություն եմ խնդրում: Մամիջանյան Հայկ, Աննա-Մաննա, ինչքան ընդեղ բան ունեք, ոտի եք հանել, դրանց չեմ արձագանքում, բայց դու անձամբ պատժվելու ես»: