«Իշխանության ներկայացուցիչները սկսել են «տրոլինգ» անել ընդդիմադիր ուժերին»․ Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Որքան հետևում եմ, իշխանության ներկայացուցիչները սկսել են «տրոլինգ» անել ընդդիմադիր ուժերին՝ այսպես ասած մանդատները վերցնելու թեմայով: Ընդ որում, բավականին ակնառու է, որ դրա շեշտադրումը մանդատները վերցնելու վրա է: Այստեղ ստանում ենք շատ հետաքրքիր մի պատկեր:

Իշխանությունը «տրոլինգի» է ենթարկում թեման, փաստացի ստեղծելով փաստարկային հիմք այն ուժերի համար, որոնք ակնհայտորեն ակտիվ ձևով փորձում են «չվերցնելու» ճնշման ենթարկել ընդդիմության առաջատար ուժերին, որոնք անցնում են խորհրդարան:

Ինչպես օրինակ սանկցիոն քայլերով ՌԴ-ն էր ըստ էության փաստարկային քարոզչական աջակցություն ցույց տալիս վարչապետ Նիկոլ Փաշինյանին՝ ընդդիմության դեմ, այդպես էլ հիմա Նիկոլ Փաշինյանի թիմն ինքն է փաստարկային աջակցություն ցույց տալիս այն շրջանակներին, որոնք քվեարկությունից անմիջապես հետո ամենաառանցքային հարց են դարձրել մանդատները չվերցնելու հարցն ու ըստ էության փորձում են ճնշում ստեղծել ընդդիմության առաջատար ուժերի շուրջ:

Հետաքրքիր «կոմբինացիա» է իհարկե:

Դրա համար եմ արդեն մի քանի օր խոսում այդ մասին, որ ընդդիմադիր ուժերից պահանջում է այդօրինակ «կոմբինացիաների» ծուղակում չհայտնվելու սառնասրտություն: Մանդատների հարցի արհեստական է: Ընդդիմադիր ուժերի առաջ ներկայումս շատ ավելի լուրջ և խորքային հարցեր են: Դրանցից են փորձում շեղել՝ արհեստական թեման գցելով կամ թեման արհեստականորեն առաջ գցելով, ինչպես «սայլը ձիուց առաջ կապելը»»: