«Գյումրիում՝ 102-րդ ռուսական բազայի հարևանությամբ, հուշարձան պղծելը բացարձակ քաղաքական ակցիա է». Դերենիկ Մալխասյան

Գյումրիում վանդալիզմի ու խուլիգանության դրսևորմամբ քաղաքական ակցիա են արել ընդդեմ Ռուսաստանի ու հայ-ռուսական հարաբերությունների։ Հայրենական մեծ պատերազմի 25-ամյակի առիթով կառուցված «Մայր Հայաստան» հուշահամալիրի տարածքում անհայտ անձինք պոկել ու աղբամանն են լցրել հերոս քաղաքների հուշաքարերի վրա գրված անունների ոսկեգույն տառերը։ Հաշվի առնելով այն հանգամանքը, թե ռուսական կողմը ինչ զգայուն վերաբերմունք ունի Հայրենական մեծ պատերազմի հիշատակին նվիրված հուշարձանների նկատմամբ, Գյումրիում՝ 102-րդ ռուսական բազայի հարևանությամբ հուշարձան պղծելը բացարձակ քաղաքական ակցիա է։ Դեռևս դժվար է ասել, թե կոնկրետ ինչ նպատակ են հետապնդել պատվիրատուները, սակայն հայ-ռուսական առանց այն էլ լարված հարաբերությունները սաբոտաժ անելուն շատ նման է։ Սա տրամաբանական շարունակությունն է Արթիկում նմանատիպ հուշարձանի ապամոնտաժման ու տեղափոխման քաղաքականության։
Տեսանյութը՝ Գյումրու քաղաքապետարանի»։