«Նարեկ Կարապետյանը կամ Սամվել Կարապետյանը հրավիրվե՞լ են հարցաքննության»․ հարց՝ Արթուր Նահապետյանին

«Այն ուժերին, որոնց վերագրվում են ձայնագրությունները, նրանց առաջնորդները որևէ կարգավիճակ ունե՞ն՝ հարցաքննության կանչվելու, որևէ կերպ ներգրավվա՞ծ են այդ գործերում։ Օրինակ «Ուժեղ Հայաստան»-ի հետ կապված բազմաթիվ ձայնագրություններ են եղել, Նարեկ Կարապետյանը կամ Սամվել Կարապետյանը հրավիրվե՞լ են, թե՞ ոչ»,- ճեպազրույցի ժամանակ լրագրողը հարց ուղղեց Հակակոռուպցիոն կոմիտեի նախագահ Արթուր Նահապետյանին։ «Դա, ըստ էության, առանձին քրեական վարույթներով պատասխանելու հարց է, մենք պետք է ուսումնասիրենք տվյալ քրեական վարույթը և տեսնենք, թե ինչ ապացույցներ ունենք։ Եթե մենք ապացույցներ ունենք որևէ իքս քաղաքական ուժի ղեկավարության մասով, ապա, բնականաբար, այդ կսկսվեն քրեաիրավական գործընթացներ և կգնանք քրեական հետապնդումների»,- ի պատասխան ասաց ՀԿԿ նախագահը։