«Ովքեր ընտրակաշառք վերցնելու կամ տալու մեջ բռնվել են, պետք է լինեն բանտում». Նիկոլ Փաշինյան

Նիկոլ Փաշինյանը տեսանյութ է տարածել իր էջում՝ «Ընտրություններում ընտրակաշառք տված կամ վերցրած ցանկացած ոք պետք է խստորեն պատժվի․ սա երկրի և ժողովրդավարության անվտանգության հարց է» գրառմամբ: «Հստակ պահանջում եմ, որ նրանք, ովքեր ընտրակաշառք վերցնելու կամ տալու մեջ բռնվել են, մինչև հաջորդ համապետական ընտրությունների պաշտոնական արդյունքների առնվազն ամփոփման օրը, պետք է լինեն բանտում: Պետք չի հետո խղճահարության տեսարաններ սարքել. այդ տեսարանները վաղուց սարքված են ու եթե մենք հոգատարության խնդիր ունեք, առաջին հերթին մեր պետությունը պետք է լինի մեր հոգատարության առարկան»,- իր խոսքում ասել է նա: