«Գիտենք, թե ինչու չենք ընտրելու ՔՊ-ին, բայց չգիտենք, թե ինչու պետք է ձեզ ընտրենք»․ Նարինե Մկրտչյան

Մամուլի ազգային ակումբի նախագահ Նարինե Մկրտչյանը ֆեյսբուքյան իր էջում գրել է․ «Հետևելով այս ընտրախաղին՝ օրինաչափ հարցադրում է ծագում․ մենք գիտենք, թե ինչու չենք ընտրելու Փաշինյանին և ՔՊ-ին, բայց չգիտենք, թե ինչու պետք է ձեզ ընտրենք։ Չեն էլ թաքցնում, որ Նիկոլի՝ նույն քաղաքականությունն են իրականացնելու՝ «ՀՀ միջազգային պարտավորությունների հետևում», զինծառայության ժամկետի կրճատում, ՌԴ-ի հետ հարաբերությունների «բարելավում»։ Երաշխիք անգամ չկա, որ վաղն էլ «խաղաղության» անվան տակ Արցախն Ադրբեջանի կազմում հավերժորեն թողնելու «ճարահատ» հայտարարություններ չեն անելու։
Հետո էլ ասում եք՝ ժողովո՛ւրդ, մի հուսահատվեք, բայց ձեզ հետևելով՝ ինչպե՞ս չհուսահատվենք»։