«Դիտում եմ քաղաքական բանավեճերն ու հասկանում` ոչինչ չի փոխվել մեզանում»․ Դավիթ Մշեցի

Գրող Դավիթ Մշեցին գրառում է կատարել ֆեյսբուքյան իր էջում. «Սպասվող ընտրություններին ընդառաջ։ Դիտում եմ քաղաքական բանավեճերն ու հասկանում՝ ոչինչ չի փոխվել ու չի փոխվի մեզանում, քանզի երբ /էլիտաներն/ են այսքան մերկ ու թշվառ, ժողովրդից ակնկալել բարձր իմացականություն, քաղաքակրթական ու արիական կեցվածք, դա նույնն է, ինչ կտրած գլխի վրայից աչք հանես...
Մայրամուտի դեմ մենք չուսանեցինք
լռել տագնապով
ու կշռել վաղվա արհավիրքները՝
մեր գլխին կախված․․․
Գիշերաժամին՝ փոքրիկ կրքերի
ճենճում տապակված,
մենք չզորեցինք նկատել շքեղ
դարպասներից ներս
գտնվող խղճուկ հյուղակը չարի․․․
Սոսկումով լեցուն դիմալույսի մեջ՝
չահազանգեցինք ինքնակոչ հյուրի
ներխուժման բոթը․
թմրություններ կան,
որոնք տևում են հազարամյակներ
ու չեն սթափվում,
եթե աքցանով եղունգն էլ հանես
ու․․․ բիբը աչքի․․․
Դավիթ Մշեցի»։