«Եթե ԱԱԾ-ն որոշի, որ Կաթողիկոսը X-ն է, ի՞նչ կանեք»․ հարց՝ Գարեգին Բ-ին

ԶԼՄ-ների ներկայացուցիչների հետ հանդիպման ընթացքում անդրադառնալով հարցին՝ եթե դատարանը կամ իրավապահ որևէ կառույց հռչակի X-ին կամ Y-ին Ամենայն հայոց կաթողիկոս, ի՞նչ հետևանքներ դա կարող է ունենալ, ի՞նչ եք անելու, Ամենայն Հայոց Կաթողիկոս Գարեգին Բ-ն պատասխանեց. «Ինչպես կարգալույց եղած անձին առաջնորդի հանգամանք վերապահելը որևիցե հետևանք չունի, և չի կարող ունենալ եկեղեցական մեր կյանքում, նա աշխարհիկ անձ է, և այն բոլոր որոշումները, նաև հարկադիր կատարման ծառայության կողմից վերապահված, որպես իրավունք, կարգալույց եղած անձին, հակասահմանադրական են, հակաօրինական են, և հակականոնական։ Դատապարտելի է, որ իշխանությունները իրենց նման իրավունք են վերապահում։

Ինքնակոչ անձ պիտի լինի։ Նա կլինի այդ հանգամանքի մեջ անձ այն մարդու համար, ով այդպիսի որոշում է կայացրել, և մեր ժողովրդի կողմից բնականաբար այդ ընկալումը չի ունենա այդ անձը։