«Թույլ չտվեցին նկարահանում իրականացնել Կիրանցի պատի մոտ». Էդմոն Մարուքյան

ԼՀԿ ղեկավար Էդմոն Մարուքյանի թելեգրամյան գրառումը. «Փաշինյանի հպարտության խորհրդանիշ Կիրանցի պատի մոտ ցանկանում էինք բրիֆինգ անցկացնել, սակայն մեզ թույլ չտվեցին նկարահանում իրականացնել։

Եթե Կիրանցի պատը հպարտանալու բան է, ապա ինչո՞ւ մեզ թույլ չեն տալիս այն տեսանկարահանել։

Մենք եկել էինք՝ ասելու, որ Կիրանցի պատը ամոթի պատ է, և հիմա արդեն պարզ է դառնում, որ իշխանությունները նույնպես համաձայն են այդ մտքի հետ։ Հենց այդ պատճառով էլ այսօր մեզ արգելեցին նկարահանել այդ ամոթի պատը»: