«Ի՞նչն է իր հպարտության առարկան»․ Սամվել Կարապետյան

«Այս մարդն անամոթաբար ամսի 28-ին զորահանդես է անում․ ի՞նչն է ցույց տալու, որ 3 պատերազմ բերե՞ց մեր երկրի գլխին, 3 պարտություն այս նույն բանակով բերեց մեր գլխին, ինչո՞վ է հպարտանալու։ Իր պաշտպանության նախարարո՞վ է հպարտանալու, ի՞նչն է իր հպարտության առարկան»,- մշակույթի գործիչների հետ հանդիպման ժամանակ ասել է «Ուժեղ Հայաստան» կուսակցության առաջնորդ Սամվել Կարապետյանը: «Չեմ էլ հավատում, որ ինքը կարող է նորմալ զենք առած լինի։ Ասենք ցույց տվեցին, հետո հենց պատերազմ սկսվեց, էդ զենքերը հանձնում են Ալիևին, փախած գալիս են, հետո գալիս է այստեղ, ժողովրդի հետևից է ընկնում՝ թե դուք փախաք: Բոլորս տեսանք Արցախից ով փախավ, մի օր չկանգնեցին արցախցու կողքին»,- նշել է Կարապետյանը և շարունակել․ «Մարդիկ 9 ամիս ճնշումների տակ, բլոկադայի մեջ ապրեցին՝ մի հատ աչք չթարթեցին, և ավելի շատ կապրեին, եթե աջակցություն ստանային մեր երկրից, ով հանդիսանում էր իրենց երաշխավորը։ Բայց եթե երաշխավորը հենց առաջին օրվանից փախավ՝ մարդիկ էլ ի՞նչ կարող են անել։ Հիմա ինչո՞վ պետք է հպարտանան, ասենք բերեց իր անձնական ռագադկեն ցույց տվեց, որ փոքր ժամանակ ռագատկա է ունեցել, հետո՞, մարդկանց ոնց է համոզելու, որ դուք անվտանգության մեջ եք»: