«Իրենց «Խաղաղությունը» կկվի զիջումներով ժամանակ ձգելն է»․ Վահրամ Մարտիրոսյան

Գործարար Վահրամ Մարտիրոսյանի ֆեյսբուքյան գրառումը. «Առաջին համաշխարհայինում կարևոր էր նավը խորտակելը, իսկ թե դրա մասին ով կիմանար, խորտակողներին չէր հետաքրքրում։ Երկրորդ համաշխարհայինում կարևոր էր և՛ նավը խորտակելը, և՛ դրա մասին բոլորին հայտնելը։ Ներկա ժամանակներում կարևոր չէ՝ նավը խորտակվել է, թե ոչ․ կարևորը, որ բոլորը հավատան, թե նավը խորտակվել է։
Այս ռազմավարությամբ էլ Թրամփը պատերազմ է վարում Իրանի դեմ։ Կարևոր չէ Իրանին հասցրած իրական հարվածը․ կարևորը, որ կարողանա ամերիկացիներին համոզել, թե Իրանի ամբողջ պոտենցիալը ոչնչացված է։
Նույնը «խաղաղություն» կոչվածի ռազմավարությունն է։ Կարևոր չէ, որ ներկայացվող «խաղաղությունը» իրականում կկվի զիջումներով ժամանակ ձգելն է, կարևոր չէ, որ իրենց «խաղաղությունը» ընդհանրապես պարադիգմալ սխալ է։ Կարևոր է, որ մակերեսային ու պրիմիտիվ մասսան դրան հավատա, ու հավատում է։
Բայց, հանուն արդարության, պետք է նշել նաև այս հարցում հայրենի ընդդիմությունների ապիկար դերը։ 21-րդ դարի քաղաքականության մեջ հատկապես կարևոր դեր է ստացել համոզելու արվեստը»։