«Եթե Ծառուկյանը կամ Թևանյանը «շպիոն» են, հրապարակում գնդակահարեք, եթե չէ, թող գա մտնի առյուծիս մոտ». Գագիկ Ծառուկյան

«Այսօր, նայելով քարոզչություն ասվածին, խառնվել իրար հետ, էս մեկը «շպիոն» է․․․։ Այ ձեր ցավը տանեմ, չհասկացա՝ ի՞նչ ունի, «շպիոն» ա տանենք գնդակահարենք, ուղիղ հրապարակում, բայց սուտ ասելը փրկություն չի,- Շիրակի մարզի Ախուրյան համայնքում բնակիչների հետ հանդիպմանը, խոսելով քարոզարշավի ընթացքից, ասաց ԲՀԿ առաջնորդ Գագիկ Ծառուկյանը՝ շարունակելով․

Ասում են՝ Ծառուկյանն էլ ա «շպիոն»։ Լավ, հայտարարել եք՝ ապացուցեք, եթե Ծառուկյանը «շպիոն» ա, հրապարակում գնդակահարեք, եթե չէ, թող գա մտնի առյուծիս մոտ։ Եթե մարդն իր հայրենիքի «շպիոն»-ն ա, նա ապրելու իրավունք չունի: Ես ժողովրդի պայմանի հետ համաձայն եմ, եթե հայտարարել են Ծառուկյանը «շպիոն» ա, ինձ թող գնդակահարեն, իմ ցանկությամբ թուղթը գրեմ, եթե չէ, արտահայտողը պետք է գա մտնի իմ առյուծի մոտ՝ իր ցանկությամբ։ Էս էլ հոդատարկ-դատարկ խոսալով, մարդկանց վրա ցեխ շպրտելով չէ, ժողովուրդ ջան։ Արած բան չունեն, ասելու բան չունեն, ժողովրդի համբերությունը սպառվել ա։ Իմ ժողովուրդը մեղք է, անտրամադիր, նեղված, խեղճացած պատերի տակ նստած, վարկերի ու պարտքերի տակ»։