«Որոշ մարդկանց խոստացել է, որ Հայաստանը պիտի չլինի»․ Հայկ Մամիջանյան

«Կարող եմ ենթադրություն անել, որ ինքը գիտակցում է, որ իր շանսերը նվազում են, ընդդիմությունը որպես ամբողջություն ավելի շատ ձայներ է ստանում»,- լրագրողների հետ զրույցում ասել է ԱԺ «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով Նիկոլ Փաշինյանի քարոզարշավի ժամանակ տեղի ունեցող միջադեպերին։ «Փաշինյանը հեշտ չի գնալու, բոլոր հնարավորություններն օգտագործելու է՝ օրինական և անօրինական։ Սա սովորական ընտրություն չի, որ մի թեկնածուն պարտվի, ասի՝ ես գնացի. սա Հայաստանի լինել-չլինելու ընտրությունն է, ինքը որոշ մարդկանց խոստացել է, որ Հայաստանը պիտի չլինի, ամեն ինչ անելու է, որ այդ խոստումը կատարի, իսկ մենք պետք է դա թույլ չտանք»,- նշել է ընդդիմադիր գործիչը։