«Քարոզարշավի ողջ գործընթացը կառուցված է ինքնաարդարացումների վրա»․ Տիգրան Աբրահամյան

ԱԺ «Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան իր էջում գրում է․ «Որքան էլ գործող կառավարիչը փորձի իր խոսքին ու պահվածքին վստահության իմիտացիա հաղորդել, միևնույն է՝ պարտվածի տիտղոսը շարունակում է մնալ նրա մշտական ուղեկիցը։
Քարոզարշավի ողջ գործընթացը կառուցված է ինքնաարդարացումների և հանձնման գործընթացը անհաջող կոծկելու տրամաբանության վրա։
Այս իրողությունների պայմաններում կապիտուլյանտի ատելությունը հաղթողների, պայքարի մարտիկների և անվտանգություն բերած խորհրդանիշների նկատմամբ կտրուկ սրվել է, ինչը շարունակաբար բերում է անհավասարակշիռ պոռթկումների»։