«Սամվել Կարապետյանի ծրագրերով երաշխավորվում է ծայրահեղ աղքատության ոչնչացում, անվճար կրթություն». Էդգար Ղազարյան

Սիրելի թոշակառուներ, մի խաբվեք ձեզ խոստացած 10 000-ական դրամ փաստացի ընտրակաշառքով․ Ղազարյան
«Պետք է այստեղից վռնդել ընդամենը մի փոքրիկ խմբակի, և այստեղ կունենանք միլիոնավոր հյուրեր ամբողջ աշխարհից»,- Վայոց ձորի մարզում ընթացող հանրահավաքի ժամանակ ասաց «Ուժեղ Հայաստան» կուսակցությանը միացած քաղաքական գործիչ Էդգար Ղազարյանը։

Ըստ նրա՝ այն ծրագրերը, որոնք միտված են գյուղատնտեսության զարգացմանը, հիմնական շահառուն լինելու է Վայոց ձորը։

Սամվել Կարապետյանի ծրագրերով երաշխավորվում է ծայրահեղ աղքատության ոչնչացում՝ ոչ թե 10000, այլ 150 000 դրամ փոխհատուցումներ ծայրահեղ աղքատ ընտանիքներին, թոշակների բարձրացում, ուսուցիչների բարձր վարձատրություն, բուժաշխատողների վարձատրություն, անվճար կրթություն։ Այս ամենը մեր երկրում հնարավոր է, բայց հնարավոր է միայն մեկ մարդու առաջնորդությամբ, որի անունն է Հայաստանի Հանրապետության ապագա վարչապետ՝ Սամվել Կարապետյան»։