«Ինձ առավելագույն պայմաններն էին առաջարկում մի հայտարարության դիմաց». Սամվել Կարապետյան

Արմավիրցիների և արարատցիների հետ հանդիպման ժամանակ «Ուժեղ Հայաստան» կուսակցության առաջնորդ Սամվել Կարապետյանը հավաստիացրեց, որ ժողովրդի 25-30 տոկոսը մոլորված է. «Մենք պետք է ամեն ինչ անենք, որ բացենք իրենց աչքերը, որ իրենք հասկանան՝ իրենց խնդիրների մեղավորը ոչ թե իրենք են, այլ ներկա իշխանությունները»:

«...Սրանց համար մեկ սկզբունք կա՝ ո՞նց անեն, որ Ալիևի դուրը գան, ո՞նց անեն՝ նրա հրամանները կատարեն, ո՞նց անեն՝ 300,000 ադրբեջանցի բերեն, ապահովեն թե՛ բնակարաններով, թե՛ աշխատանքով, որովհետև իրենց շեֆը արդեն կարգադրել է»,- ասել է Կարապետյանը։

Նա երաշխավորում է, որ իշխանության գալու պարագայում այդ ամենը կանգնեցնելու է և հայտարարել է, որ մինչև վերջ են գնալու։

Նա նաև սենսացիոն բացահայտում է արել. «Ես ամենածանր պայմաններն անցել եմ, եթե ես մինչև վերջ չգնայի... 5-րդ օրն ինձ առավելագույն պայմաններն էին առաջարկում՝ մի հայտարարություն արա, որ քաղաքականություն չես մտնելու»: