«Այս տարածաշրջանի բնիկ հայերը եղել են արցախցիները և կան սյունեցիները». Նարեկ Գալստյան

Լրագրող, քաղաքագետ Նարեկ Գալստյանը ֆեյսբուքյան էջում գրել է․ «Հատուկ քպ-ական կոլաբորանտների համար: Արևելյան Հայաստանի տարածքի հայ բնակչության ճնշող մեծամասնության արմատները բնիկ չեն: Այսինքն, հայ ժողովուրդը, որ այսօր բնակվում է այս տարածքում, մեծամասամբ իր արմատներով գնում-հասնում է այս տարածաշրջանի այլ տարածքներ: Իսկ գիտե՞ք ինչու է այդպես, պարոնա՛յք կոլաբորանտներ: Որովհետև 1603-1604 թթ-ին Շահ Աբասը Արաքսի հովտում ապրող հայերին Գանձակից (ձեր Գյանջա) մինչև Տավուշ ավլեց-տարավ Պարսկաստանի խորքերը: Օրինակ ձեր գայմագամ Նիկոլ Փաշինյանի արմատներն էլ Իջևանից չեն: Ավելին (այստեղ մի հատ խաչ արեք, եթե հավատում եք), ամենայն հավանականությամբ Արցախից են: Այս տարածաշրջանում հայերի վերադարձ Պարսկաստանից կազմակերպվել է ռուս ցար Նիկոլայ I-ի (ստեղ էլ խաչ արեք, եթե հավատում եք) կամքով ու Գրիբոյեդովի ջանքերով (եթե դպրոցում «Горе от ума» կարդացել եք՝ այ էդ Կրեմլի ագենտն է գրել) 1828 թ-ին հիմնականում, երբ Պարսկաստանից ու Օսմանյան կայսրությունից (Արևմտյան Հայաստան է կոչվում, հանկարծ չվատանաք) հայերի զանգվածային ներգաղթ եղավ:
Հետո Արևելյան Հայաստան են եկել մեր պապերը նաև Ցեղասպանության ժամանակ (դրեք հատ-հատ հաշվեք), Սփյուռքից ներգաղթի շնորհիվ (հիմնականում 1946-1947 թթ-ին): Ու այս տարածաշրջանի բնիկ հայերը, որ հազարավոր տարիներով ապրել են իրենց հողի վրա (ստեղ վալիդոլ ու կարդիոբրիգադ կանչեք), եղել են արցախցիները և կան սյունեցիները:
Ուստի հրեա երեխա տեսած պոլիցայի ջանասիրությամբ որ գոռում եք, թե գնացել, «ուրիշի հողի վրա էին ապրում», պարոնա՛յք իդիոտներ, իմացեք, որ դուք այս հողի վրա ավելի «եկվոր» եք, քան արցախցիները կամ սյունեցիները: Սա ձեզ փոքրիկ լիկբեզ սեփական պատմության մասին: Թե է՞դ չի ձեր պատմությունը: