«Հայաստանին անհրաժեշտ է ազգային ուժի և պետական վերածննդի օրակարգ»․ Մհեր Մելքոնյան

ԱԺ «Հայաստան» խմբակցության պատգամավոր Մհեր Մելքոնյանի ֆեյսբուքյան գրառումը. «Այսօր Հայաստանին անհրաժեշտ է ոչ թե պարտության հետ համակերպվող իշխանական մտածողություն, այլ ազգային ուժի և պետական վերածննդի օրակարգ։
Մեզ անհրաժեշտ է հասարակություն, որը չի մոռանա իր հերոսներին, չի ուրանա իր պատմությունը և չի հրաժարվի իր ազգային իրավունքներից։
Մեզ անհրաժեշտ է իշխանություն, որը սեփական ժողովրդին չի սովորեցնի վախենալ, այլ կսովորեցնի լինել ուժեղ, կազմակերպված և արժանապատիվ։
Հայաստանի ապագան որոշվելու է ոչ թե արտաքին կենտրոններում, այլ այստեղ՝ մեր ազգային կամքի, մեր միասնականության և մեր պայքարելու պատրաստակամության միջոցով։
Մենք պարտավոր ենք վերականգնել հաղթանակի նկատմամբ մեր հավատը։
Որովհետև հաղթանակը միայն ռազմական արդյունքը չէ։ Հաղթանակը նախ և առաջ ժողովրդի հոգեվիճակն է, պետության կամքն է, ազգային արժանապատվության գիտակցումն է:
Մեզ անհրաժեշտ է հաղթանակ...»։