«Առողջապահության նախարարի մանիպուլյացիաները»․ Գևորգ Գրիգորյան

Բժիշկ Գևորգ Գրիգորյանը ֆեյսբուքյան էջում տեսանյութ է հրապարակել՝ «Առողջապահության նախարարի մանիպուլյացիաները» գրառմամբ։ «Տիկին նախարարը, հերթական անգամ վախենալով բանավեճից և ճշմարտության հետ առերեսումից, ԱԺ փակ քննարկման ընթացքում հայտարարեց, որ կատարվել է 68 հազար վիրահատություն և 1 386 000 ամբուլատոր ծառայություն՝ ապահովագրության շրջանակներում։ Բայց մոռացավ նշել, որ մինչև 18 տարեկան երեխաների թե՛ վիրահատությունները, թե՛ ամբուլատոր ծառայություններն անվճար էին, և դրա ծախսը հոգում էր պետությունը։ Ուստի այդ երեխաներին պետք է հանել առողջության ապահովագրության համակարգի շահառուների ցանկից և ստանալ բնակչության այն թիվը, որը կարող է շահել է ԱԱՀ ներդրումից»։