Տարիներ առաջ վարչապետի հրաժարականը պահանջող Մգեր Արմենիան սատարում է ՔՊ-ին

Ապրիլի 25-ին «Քաղաքացու օրվա» առիթով Ամիրյան փողոցում էր նաև երգիչ Մհերը՝ Մգեր Արմենիան, ով, ինչպես ինքն ասաց, եկել էր տեսնելու, ողջունելու, նկարվելու վարչապետի հետ։ Ավելին, նշեց՝ սատարում է ՔՊ-ին։

Թեման լայն արձագանք է գտել համացանցում։ Ասում են՝ օգտատերերին հատկապես զայրացրել է այն, որ տարիներ առաջ Մգեր Արմենիան պահանջում էր վարչապետի հրաժարականը, ասում, որ իշխանությունն ակնհայտ սպասարկում է թուրքական շահը, իսկ այսօր հակառակ պատկերն է։

Ինչպես ավելի վաղ հայտնել էինք, ի պատասխան՝ երգիչը ֆեյսբուքյան իր էջում գրել է․ «Բոլոր նրանց, ում դուր չի գալիս, թե ինչու եմ ես աջակցում ՔՊ-ին և ՀՀ իշխանություններին, առաջարկում եմ միաժամանակ խմել քնաբեր և լուծողական»։ «Հանրային մարդ ես, չի սազում նման գրառումները, սա ավելի շատ անսկզբունքային մարդու գրառում է․․․»,- արձագանքել է օգտատերերից մեկը։