«ԱԹՍ-ն հարվածել է Բաղդադի օդանավակայանի մոտ գտնվող ԱՄՆ կառույցին»․ #Reuters

Անօդաչու թռչող սարքը հարվածել է Բաղդադում գտնվող ԱՄՆ դիվանագիտական ​​աջակցության կենտրոնի շենքին, որը գտնվում է օդանավակայանի մոտ։ Տուժածներ չկան, գրում է Reuters-ը՝ հղում կատարելով Պետդեպարտամենտի փաստաթղթին։ Նշվում է, որ ԱԹՍ-ն ընկել է անվտանգության աշտարակի մոտ։

Ըստ The Washington Post (WP)-ի՝ Բաղդադի համալիրի վրա ընդհանուր առմամբ վեց անօդաչու թռչող սարք է արձակվել։ Դրանցից հինգը խոցվել են։ Նշվում է, որ հարձակումը, ամենայն հավանականությամբ, իրականացրել է «Իրաքի իսլամական դիմադրությունը», որն Իրանի կողմից աջակցվող զինված խմբավորումների կոալիցիա է։