Ադրբեջանն ու Իրանը վերսկսել են բեռնափոխադրումները

Ադրբեջանն ու Իրանը վերսկսել են բեռնափոխադրումները պետական ​​սահմանով։ Այս մասին հայտնում է Ադրբեջանի նախարարների կաբինետը։ Նշվում է, որ այսօր ժամը 10:00-ից վերսկսվել է պետական ​​սահմանով բեռնափոխադրումների համար նախատեսված բոլոր տեսակի տրանսպորտային միջոցների մուտքն ու ելքը, այդ թվում՝ տարանցիկ բեռնափոխադրումը։

Հիշեցնենք, որ մարտի 5-ին Ադրբեջանի նախարարների կաբինետը ժամանակավորապես դադարեցրել էր բեռնափոխադրումները Իրանի հետ պետական ​​սահմանով։ Որոշումը կայացվել էր՝ հաշվի առնելով Նախիջևանի վրա Իրանի կողմից անօդաչու թռչող սարքերի հարձակման հետևանքով ստեղծված իրավիճակը։