Ծափաթաղում սպանված Տիգրանի քույրը և եղբայրները վերադարձել են մայրիկի մոտ

Անցած տարի Գեղարքունիքի մարզի Ծափաթաղ համայնքում սպանված 3 տարեկան Տիգրանի քույրը և եղբայրները վերադարձել են իրենց մայրիկի մոտ, այս մասին հայտնում է «Մեդիահաբ»-ը։

Հիշեցնենք, որ 2025-ի հոկտեմբերի 27-ից որպես անհետ կորած որոնվող Ծափաթաղ գյուղի բնակիչ 3-ամյա Տիգրան Օգանեսովի մարմինը օրեր տևած որոնողական աշխատանքների արդյունքում հայտնաբերվել էր նոյեմբերի 2-ին։ Պարզվել էր, որ երեխայի հայրը՝ Արմեն Օգանեսովը, խեղդելով սպանել է նրան: Կատարվածից հետո Տիգրանի քույրը և եղբայրները տեղափոխվել էին Երեխաների պաշտպանության կենտրոն։

«Երեխաները վերադարձել են մայրիկի մոտ, երևի արդեն երկու շաբաթ է»,- ասել է ՀՕՖ-ի «Մարդիգյան» երեխաների պաշտպանության կենտրոնի ղեկավար Միրա Անտոնյանը։ Նա նշել է, որ այս ընթացքում մայրը եկել և տեսել է երեխաներին. «Մայրը առանձնապես փող չունի, երբ կարողանում էր գտնել, գալիս էր երեխաներին տեսնելու, քննիչները և Դատախազությունը չէին արգելել մորը երեխաներին տեսնել, ոչ էլ դատարանի որոշում կար, երեխաների պաշտպանության կենտրոնն էլ որևէ հիմք չուներ մերժելու հանդիպումները»:

Մանրամասները՝ սկզբնաղբյուրում: