«Պետական պաշտոն զբաղեցնողը կարող է եկեղեցուն խայտառակ անել ու մնալ անպատի՞ժ»․ Լիդյա Մանթաշյան

«Սրբազան պայքար»-ի ակտիվիստ Լիդյա Մանթաշյանը ֆեյսբուքյան իր էջում գրում է․ «ՀՀ ներքին գործերի նախարարություն, ՀՀ արդարադատության նախարարություն, ՀՀ գլխավոր դատախազություն․
Երեկ մեր պետության շատ կարևոր պաշտոն զբաղեցնող մեկը ասեց, որ 4-5 մանկապիղծ հոգևորական կա մեր եկեղեցում։
Ես՝ որպես ՀՀ քաղաքացի խնդրում եմ, որ դա ընդունեք որպես հանցագործության մասին հաղորդում։ Եթե նման հանցագործության մասին ինֆորմացիա ունեն և իշխանությունն էլ իրենց ձեռքում է, ինչո՞ւ չեն այդ մարդիկ ազատազրկված՝ լինեն հոգևորական, բժիշկ, թե բանվոր։
Եթե այդ ինֆորմացիան չհաստատվի, ուրեմն ալեն սիմոնյանի նկատմամբ քր. գործ հարուցեք մարդկանց խմբի (հոգևորականների) նկատմամբ ատելություն հրահրելու համար։
Ուրեմն, պետական պաշտոն զբաղեցնողը կարող է մեր ամբողջ ազգին, եկեղեցուն խայտառակ անի օտար պետության առաջ ու մնա անպատի՞ժ։ Այո, կարող է, երբ նեռն է ղեկավարում պետությունը»։

Հիշեցնենք՝ «Дождь»-ի եթերում Ալեն Սիմոնյանը մասնավորապես ասել էր. «Ասենք, որ որևէ երկրում, եթե պարզվի, որ x անձը, որը բարձր պաշտոն է զբաղեցնում եկեղեցում, մանկապիղծ է, եթե իրավապահ մարմինները արձագանքեն դրան կամ որևէ քաղաքական գործիչ քննադատի մանկապղծությունը կամ նման մի բան, դա հարձակում կլինի՞ եկեղեցու վրա: Չի կարելի թաքնվել այս սև սքեմի տակ և մտածել, որ դա ինդուլգենցիա է և կարելի է անել այն, ինչ ուզում ես, և երբ գան քո հետևից, դու կասես, որ դա հարձակում է եկեղեցու վրա»: