«ԱՄՆ-ն կփորձի գործարք կնքել Իրանի հետ»․ Ռուբիո

ԱՄՆ պետքարտուղար Մարկո Ռուբիոն հայտարարել է, որ Իրանի հետ գործարք կնքելը հեշտ չի լինի, բայց Վաշինգթոնը կանի ամեն ինչ՝ դրան հասնելու համար։

«Իրանի հետ գործարք կնքելը բարդ է։ Մենք միշտ ասել ենք, որ դա դժվար է, բայց պատրաստվում ենք փորձել: Մեր բանակցողներն այժմ ուղևորվում են այնտեղ (Ժնև - խմբ․)։ Նրանք հանդիպումներ կունենան։ Տեսնենք, թե ինչ կլինի։ Հույս ունենք, որ կհասնենք գործարքի»,- նշել է ԱՄՆ պետքարտուղարը՝ Հունգարիայի վարչապետ Վիկտոր Օրբանի հետ համատեղ ասուլիսում: