«Նույն երկրում առաջարկում են, որ 16 տարեկանը մասնակցի ընտրություններին, բայց զրկվի սոցցանցեր մուտքից». Գոռ Մադոյան

Վերլուծաբան Գոռ Մադոյանը ֆեյսբուքյան իր էջում գրել է․ «Գիտե՞ք #անոռուգլուխ-ը որն ա:
Երբ մի Հայաստանի սահմանադրական հանձնաժողովը քննարկում ա ու առաջարկում քաղաքացիների ընտրելու իրավունքի տարիքային շեմը իջեցնել 16-17-ի, իսկ ԿԳՄՍ եւ ԲՏԱ նախարարությունները քննարկում են մինչեւ 16 տարեկաններին օրենքով արգելել օգտվել սոցցանցերից՝ համարելով երեխա:
«Ամենապարզ» հարցը՝ քաղաքացիներին, որոնց չեք համարո՞ւմ բավականաչափ հասուն, ինքնաբավ ու ադեկվատ, որ իրենց սեփական մեդիասպառումը կարգավորեն, ինչպե՞ս եք ուզում, որ միլիոնավոր մարդկանց կյանքն ու ապագան վճռեն՝ քվե ու ընտրելու իրավունք ունենալով: Ժողովրդավարությունն ուղղակի քվեարկելու իրավունքը չի, ոչ էլ քվեարկության օրը կեղծիքի բացակայությունը, ժողովրդավարությանը նախեւառաջ ինֆորմացված, դատող, որոշակի արժեքային համակարգով, որոշակի սկզբունքներով անհատների՝ համախումբն ա, որոնք ունակ են տարբերելու լավն ու վատը, իսկ դրա համար, ինչքան էլ զարմանաք, նրանց միգուցե պետք է առերեսվեն համացանցային աղբին: Իսկ պետության պոզիտիվ պարտականությունը կլինի օգնել նրանց, տալ գործիքներ որպեսզի կողմնորոշվեն այդ օվկիանոսում, սովորեցնել նրանց նավարկել, ոչ թե մինչեւ 16 տարեկանը արգելել նավարկել (էլ չասեմ, թե դա ոնց ա կյանքի կոչվելու, ասենք «Յութուբ»-ը 13-14 տարեկանի համար, համարելու եք սոցիալական ցանց ու արգելե՞ք), իսկ 16-ում ասեք արի համայնքի կամ պետության իշխանություն ընտրի՞»: