«Երբ համատեղելիության տարածք չի լինի, ՀՀ ժողովուրդը հանրաքվեով կկայացնի որոշում»․ Նիկոլ Փաշինյան

Ինչպես հայտնել էինք՝ Նիկոլ Փաշինյանը ներկայացրել է «Քաղաքացիական պայմանագիր» կուսակցության նախընտրական ծրագիրը, որի կետերից մեկն էլ վերաբերում է ՀՀ-ԵԱՏՄ հարաբերություններին․ «Մենք արձանագրում ենք, որ հնարավոր չէ միաժամանակ լինել թե՛ ԵՄ, թե՛ ԵԱՏՄ անդամ, բայց քանի դեռ ԵՄ-ի հետ մոտարկման ԵՄ անդամակցության չափանիշներին համապատասխանելուն ուղղված բարեփոխումները համատեղելի են, այսինքն՝ ԵՄ-ի ու ԵԱՏՄ-ի հետ մեր հարաբերությունների զարգացման օրակարգերը քանի դեռ համատեղելի են, ՀՀ-ն կշարունակի մնալ ԵԱՏՄ անդամ ու զարգացնել առևտրատնտեսական հարաբերությունները նրա անդամ երկրների հետ»։ Փաշինյանի խոսքով՝ երբ կգա այն կետը, երբ համատեղելիության տարածք չի լինի, ՀՀ ժողովուրդը հանրաքվեով կկայացնի որոշում։