«Հիվանդանոցներում պառկելու տեղ չկա»․ Գեմաֆին Գասպարյան

Աշխատանքի և սոցիալական հարցերի նախարարի նախկին տեղակալ Գեմաֆին Գասպարյանը ֆեյսբուքյան իր էջում գրում է․ «Հիվանդանոցներում պառկելու տեղ չկա, էսօր պարզեցի․
Նույնիսկ բարձր վճարով տեղերն են սպառված ու պատճառը համընդհանուր բժշկական ապահովագրությունն է, որն անվճար է դարձրել բազմաթիվ և բազմազան բժշկական ծառայություններ, հատկապես թոշակառուների համար։
Իր բոլոր խնդիրներով (օրինակ ինքս կողմ էի/եմ ապահովագրումն ու գործընթացի իրացումն արտապատվիրակել մասնավորներին և վերահսկողությունն ու խաղի կանոնների սահմանումը պահել պետության ձեռքում) հանդերձ սա շատ դրական սոցիալական և հումանիստական որոշում է, մարդիկ տասնամյակով հիվանդանոց բուժման կամ ստուգման չէին գնացել, հիմա օգտվում են թանկարժեք ծառայություններից անվճար, նաև հապշտապ են գնում, որ հանկարծ «հնարավորության պատուհանը» չփակվի, հենց տեսնեն, որ կարող են մշտական օգտվել ըստ անհրաժեշտության, այս հոսքն էլ կհանդարտվի»։