«Հետևելով աստղերի բարենպաստ դասավորությանը՝ որոշել է իրեն հռչակել երջանիկ իմպերատոր»․ Արեգ Սավգուլյան

Պատմաբան Արեգ Սավգուլյանը ֆեյսբուքյան իր էջում գրում է. ««Հանրապետություն» կուսակցության բացառիկ և բազմաչարչար, միանձնյա և անփոխարինելի, հավերժ առաջնորդ Արամ Զավենիչը հասել է իր փառքի գագաթնակետին և, հետևելով աստղերի բարենպաստ դասավորությանը, ինքը ևս որոշեց դիրքավորվել և ինքն իրեն հռչակեց ֆելիքս (երջանիկ) իմպերատոր, վարչապետի թեկնածու՝ առանց մեծամտության և կուսակցության ձևական որոշումների, որովհետև անձ-կուսակցություններում երկրորդը չկա, և Զավնիչը դրա համար էլ որոշեց գնալ ժողովրդի հետ աստվածային (իրականում անմիտ) անկեղծության ճանապարհով։
Իսկ ինչո՞ւ 25 տարում իր կուսակցության մեջ 2-րդ լիդերը չի ծնվել՝ պետք է դիմել «սեռական ռեֆորմների համաշխարհային լիգայի» սերնդափոխության բաժին, միգուցե արևմտյան քաղաքական մանկաբարձները կարո՞ղ են որևէ տեղեկանք տրամադրել։
Հ.Գ. «Հանրապետություն» կուսակցության հավանական կարգախոսը գալիք համապետականում կլինի Օստապ Բենդերի «Запад нам поможет» («Արևմուտքը մեզ կօգնի») նշանաբանը «12 աթոռներից»: Ուղղակի աթոռը մեկն է, հավակնորդները՝ շատ»։