«Դուք ընդամենը քարե հատիկներ եք, որոնց նիկոլը նետում է հայոց հավաքականության ժայռի՝ Եկեղեցու վրա»․ Սևակ Խաչատրյան

«Հաղթանակ» դաշինքի առաջնորդ Սևակ Խաչատրյանի ֆեյսբուքյան գրառումը. «Ոսկու փայլը կուրացրեց ձեզ այն աստիճան, որ դուք անգամ չզգացիք, որ ոսկին, որը դուք ագահաբար ընդունեցիք, իսկական շղթաներ էին ձեր հոգու համար: Ողորմելի է ձեր վիճակը, պարոնա՛յք տիրադավներ: «Ստեփան Ասատրյանը և Թադե Թախմազյանը գործարքի գնացին հայի թշնամու հետ և օկուպացրին ՀԱԵ վանքերից երկուսը»,- մաքսիմում սա է գրվելու հայոց նորանկախ պատմության էջերում ձեր մասին: Գլխահակ, ոստիկանների ուղեկցությամբ, մոլորված, գլխիկոր, կեղծ, եղկելի ու փոքրոգի ձեր ներկայությունը դատական նիստերի դահլիճում ևս մեկ անգամ մեզ ապացուցեցին, որ դուք Հայաստանում ապրող տեղական արտադրության փոքրիկ «Հերոստրատներն» եք:
Արտեմիսի տաճարն այլևս չի սարքվի, բայց սբ Հովհաննավանքն ԱՆՊԱՅՄԱՆՈՐԵՆ ԿՎԵՐԱՕԾՎԻ և կրկին հայ հավատացյալը կմտնի այնտեղ իսկական Պատարագի՝ հաղորդվելով Քրիստոսի կենարար մարմնին և արյանը:
Դուք ընդամենը քարե փոքրիկ հատիկներ եք, որոնց նիկոլը նետում է հայոց հավաքականության ժայռի՝ Հայոց եկեղեցու ամրակուռ պատերի վրա...»։