«Առաջնորդ չունեցող ընդդիմադիր հայացքներով հայերն այսօր կազմում են մեծամասնություն»․ Մհեր Մկրտչյան

Ռեժիսոր Մհեր Մկրտչյանի ֆեյսբուքյան գրառումը․ «8 անգամ պառակտված ազգ:
Սկզբից դա արեցին նիկոլենք՝ սև ու սպիտակի, թալանչիների և «ազնիվների» բաժանելով:
2018-ից անցավ ժամանակ և մարդիկ հիասթափվեցին «թավշյաներից» ու եկան ընդդիմադիր դաշտ: Երկար քայլելուց և սուտ խոստումներ լսելուց հետո պարզվեց, որ էստեղ էլ են իրարից զզվում:
Մարդիկ նայեցին, խորացան (հայերը սիրում են խորանալ) ու մտածեցին՝ բա եթե Երկիր եք ուզում փրկեք, Արցախ եք ուզում պահեք, «չարիքի» դեմ եք պայքարում... բա ինչի՞ սենց կարևոր հարցի շուրջ չեք կարողանում միավորվել ու հիմա էլ դուք եք մեզ պառակտում:
Կարո՞ղ ա ձեր պայքարի տակ ուրիշ բան կա:
Մարդիկ նորից հիասթափվեցին ու մտան «նեյտրալ» դաշտ: Նեյտրալ որովհետև «նիկոլական» ես «նիկոլական» չեսից հետո չուզեցան անել ընտրություն՝ «սերժական» ես թե «քոչարյանական»...
Չուզեցան մարդիկ կամ... Կամ նախկին առաջնորդներից ոչ մեկը չկարողացավ գերել նրանց խոսքով, հմայքով, առաջարկած արժեքներով կամ մարդկանց հիշողության մեջ թողած հետքով:
Առաջնորդ չունեցող ընդդիմադիր հայացքներով հայերը այսօր կազմում են մեծամասնություն: Մեծ մեծամասնություն: Ամբողջ հարցը նրանում է՝ ո՞վ կկարողանա այդ մեծամասնության մեջ հույս և ցանկություն առաջացնել նորից գնալ ընտրատարածք:
Ու ամենակարևորը՝ որն է այն առաջնորդի դեմքը, ով տեր կկանգնի մարդկանց արած ընտրությանը եթե...
Հ.Գ. Ես չգիտեմ քանի տարի կպահանջվի մեր բազմաշերտ պառակտված ազգը նորից միավորելու համար: Միավորել, որ հեշտ խոցելի չլինենք թշնամիների համար: Դա պետք ա լինի պետական ծրագիր: Մշակույթի ծրագիր»։