«Փաշինյանը միջոցառման երեխան էր, «կակա» տվեցին, ժպտաց, մեծերով առանձնացան, հարց քննարկեցին»․ Սուրեն Սուրենյանց

«ԱՄՆ նախագահի կողքին նստելը ոչինչ չի նշանակում, Փաշինյանը Թրամփի ծնկներին որ նստեր, ավելի մտերմիկ լուսանկար կստացվեր, դա ի՞նչ է տալու մեզ։ Այբբենական կարգով էին նստած, Թրամփի երկու կողքին էլ «А»-ով սկսվող երկրների ներկայացուցիչներ էին նստած»,- այս մասին «24Նյուզ»-ի հետ զրույցում նշեց քաղաքագետ Սուրեն Սուրենյանցը՝ անդրադառնալով Թրամփի և Փաշինյանի՝ «Խաղաղության խորհրդի» կանոնադրության ստորագրման ժամանակ արված արարողակարգային լուսանկարների առնչությամբ ՔՊ-ականների ոգևորությանը։

«Ուրիշ բան թող պարզաբանեն, այ դա դիվանագիտական ձախողում էր․ ինչպե՞ս պատահեց, որ Թրամփն Ալիևի հետ հանդիպել է, քննարկել է TRIPP-ի հարցը, և Ադրբեջանի նախագահը այն կրկին կոչել է «Զանգեզուրի միջանցք», իսկ Փաշինյանի հետ չի հանդիպել․․․ Փաշինյանն այդ միջոցառման երեխան էր, նրան «կակա» տվեցին, ժպտաց, բայց մեծերով առանձնացան, հարց քննարկեցին»,-մեկնաբանեց Սուրենյանցը։