«ԸՕ-ում փոփոխություններ կատարելու նախագծի ընդունումը հրատապ է». Արուսյակ Ջուլհակյան

«ՀՀ գործող ԸՕ-ն չի սահմանում բավարար ու արդյունավետ իրավական մեխանիզմներ՝ դիտորդական առաքելությունների ու դիտորդների կողմից քաղաքական չեզոքության և անկողմնակալության պարտականության պատշաճ կատարման վերահսկումն ու ապահովումը երաշխավորելու համար»,- արտահերթ նիստի ժամանակ, ներկայացնելով «Հայաստանի Հանրապետության ընտրական օրենսգիրք» սահմանադրական օրենքում փոփոխություններ և լրացումներ կատարելու մասին» օրենքի նախագիծը, ասաց ՔՊ-ական Արուսյակ Ջուլհակյանը: Նրա խոսքով՝ կան կազմակերպություններ, որոնք դիտորդի շապիկի տակ քաղաքականությամբ են զբաղվում, ու այս նախագծով փորձում են լուծել այդ խնդիրը:

Ընտրություններին մասնակցող կուսակցությունների օգտին կամ նրանց դեմ քարոզչություն իրականացնող դիտորդները չեն հավատարմագրվի:

Ըստ պատգամավորի՝ հաշվի առնելով առաջիկա ընտրական գործընթացները, նախագծի ընդունումը հրատապ է: