«Երևանի շրջակայքում պետք է ստեղծվի շրջան, որտեղ կբնակվեն Արցախից տեղահանվածները». Նարեկ Կարապետյան

«Տեսնում ենք, որ ներկայիս իշխանությունը խթանում է արցախահայության արտագաղթը. ձեր պատկերացմամբ ուժեղ առաջնորդությունը ինչպե՞ս կարող է հակադարձել այս միտմանը»,- «Մեր ձևով» շարժման տնտեսական ծրագրի շնորհանդեսի ժամանակ հարց ուղղվեց Նարեկ Կարապետյանին: Նա պատասխանեց. «Այս խնդիրն ուղղելու համար ամենակարևոր բանը բնակարանային էժան ծրագրերն են, աշխատատեղերը: Մեր կարծիքով՝ Հայաստանում պետք է ստեղծվի շրջան՝ Երևանի շրջակայքում, որտեղ կբնակվեն Արցախից բռնի տեղահանված մեր հայրենակիցները»: