Անկարայում կործանված ինքնաթիռում յոթ մարդ է եղել, այդ թվում՝ Լիբիայի ԶՈՒ ԳՇ պետը

Անկարայում վթարված ինքնաթիռում եղել է յոթ մարդ, այդ թվում՝ Լիբիայի զինված ուժերի գլխավոր շտաբի պետ Մուհամմեդ Ալի ալ-Հադդադը, հայտնել է Թուրքիայի նախագահի վարչակազմի հաղորդակցության վարչության ղեկավար Բուրհանեթթին Դուրանը։

Մուհամմեդ ալ-Հադդադը և նրան ուղեկցող բոլոր անձինք զոհվել են։ Անկարայի գլխավոր դատախազությունը սկսել է միջադեպի հետաքննություն, հայտնել է Թուրքիայի արդարադատության նախարար Յըլմազ Թունչը։

Նշվում է, որ ինքնաթիռի կործանման պատճառը կարող էր լինել տեխնիկական անսարքությունը։