Թուրքիայում աշակերտը կրակել է դպրոցի տնօրենի վրա

Թուրքիայում 12-ամյա աշակերտը կրակ է բացել ուսումնական հաստատության տնօրենի ուղղությամբ. տուժածի վիճակը ծանր է:

Ինչպես հայտնում են թուրքական լրատվամիջոցները, միջադեպը տեղի է ունեցել երկուշաբթի առավոտյան երկրի հարավում գտնվող Անամուր քաղաքի դպրոցի բակում: Դեռահասը ձերբակալվել է։

Նշվում է, որ նախորդ շաբաթ տնօրենը դեռահասին նկատողություն էր արել դպրոցի բակում էլեկտրական սկուտեր վարելու համար։