Լուկաշենկոն ներում է շնորհել տարբեր երկրների 123 քաղաքացու

Բելառուսի նախագահ Ալեքսանդր Լուկաշենկոն, Թրամփի հետ կնքված համաձայնագրի շրջանակներում, ներում է շնորհել տարբեր երկրների 123 քաղաքացիների։ Այս մասին հաղորդում է Belta-ն։

«ԱՄՆ նախագահ Դոնալդ Թրամփի հետ ձեռք բերված պայմանավորվածությունների շրջանակներում և նրա խնդրանքով, կապված Բելառուսի Հանրապետության կալիումի արդյունաբերության նկատմամբ ԱՄՆ նախկին նախագահ Բայդենի վարչակազմի կողմից սահմանված անօրինական պատժամիջոցների վերացման հետ՝ որոշում է կայացվել ներում շնորհել տարբեր երկրների 123 քաղաքացիների, որոնք դատապարտվել են Բելառուսի Հանրապետության օրենքներով տարբեր տեսակի հանցագործությունների՝ լրտեսության, ահաբեկչական և ծայրահեղական գործունեության համար», - հաղորդել է լրատվամիջոցը։