Երևան`   +6 °C
Այսօր`   Ուրբաթ, 12 դեկտեմբերի, 2025 թ.

«Մեր իշխանության տգետ «շուստրիությունը» ավելի է մոտեցնում Ալիևի սրած բիզը մեր կոկորդին»․ Անի Սամսոնյան

63
Այսօր, 14:24
«Մեր իշխանության տգետ «շուստրիությունը» ավելի է մոտեցնում Ալիևի սրած բիզը մեր կոկորդին»․ Անի Սամսոնյան

ԼՀԿ նախկին անդամ Անի Սամսոնյանի ֆեյսբուքյան գրառումը. «ԵՄ-Հայաստան ռազմավարական փաստաթղթին ծանոթանալուց հետո մտածում էի՝ թե ինչ լույս էր ծագել Լեռնային Ղարաբաղի թեման ամեն գնով փակող և մկան ծակը մտած իշխանության գլխում, որ արցախցիների վերադարձի հարցը մտցվել է փաստաթղթի մեջ:
Այս կետի վերաբերյալ Ադրբեջանն արտահայտում է իր դժգոհությունը և ի պատասխան Նիկոլ Փաշինյանը առաջարկում է Ալիևին «համատեղ փակել Արևմտյան Ադրբեջանի և ԼՂ հայերի վերադարձի թեման»:
Արդյունքում՝ մեր իշխանության տգետ «շուստրիությունը» ավելի է մոտեցնում Ալիևի սրած բիզը մեր կոկորդին:
Բազմիցս խոսել եմ այն մասին, որ անթույլատրելի է փակել արցախցիների վերադարձի լեգիտիմ թեման և զրկել մեզ բանակցության և Ադրբեջանին հակազդման լծակներից այն դեպքում, երբ Ադրբեջանը արհեստականորեն ստեղծել և առաջ է մղում «Արևմտյան Ադրբեջան» և 300000 փախստականների վերադարձի ոչ լեգիտիմ օրակարգը: Բայց այս երկու թեմաները երբեք համարժեք չեն կարող լինել և բանակցվել հավասարապես զիջման պայմաններով, որովհետև մեր պահանջը (թեկուզ և դա առաջիկա երեսուն տարում անհնար լինի) իրական է և լեգիտիմ, իսկ Ադրբեջանի պահանջը՝ հնարովի և ոչ լեգիտիմ:
Ալիևը երբեք չի հրաժարվելու «Արևմտյան Ադրբեջան» գաղափարից, բայց Հայաստանի ղեկավարի բերանով այս երկու պահանջների հավասարեցումը լեգիտիմություն է հաղորդում Ալիևի պահանջներին:
Իսկ կարո՞ղ է իշխանությունը դիտավորությամբ է լեգիտիմացնում Ալիևի պահանջները»:

Աղբյուրը`   Անի Սամսոնյան