Turkish Airlines-ի ինքնաթիռն արտակարգ վայրէջք է կատարել Բարսելոնայում ՝ պայթյունի սպառնալիքի պատճառով

Turkish Airlines ավիաընկերության ինքնաթիռը, որն իրականացնում էր Ստամբուլից Բարսելոնա չվերթը, արտակարգ վայրէջք է կատարել Էլ Պրատ օդանավակայանում, հինգշաբթի հայտնել է Catalunya Radio-ն:

Ռադիոկայանի տվյալներով ՝ ինքնաթիռն ուղորդվել է օդանավակայանի մեկուսացված գոտի:

Նշվում է, որ ինքնաթիռում եղել է 148 ուղևոր և անձնակազմի յոթ անդամ։

Վայրէջքից հետո ուղևորներին դուրս են բերել ինքնաթիռից, և անվտանգության աշխատակիցները սկսել են ստուգել ինքնաթիռը և ուղևորներին։ Ինքնաթիռը զննելուց հետո անվտանգության ուժերը բացառել են պայթուցիկ նյութերի առկայությունը։

«El Nacional»-ի հաղորդմամբ՝ ինքնաթիռը Միջերկրական ծովի վրայով թռչելու ժամանակ ուղեկցվել է իսպանական և ֆրանսիական ռազմական ինքնաթիռների կողմից։