«Ղրիմը, ԴԺՀ-ն, ԼԺՀ-ն, Զապորոժիեի և Խերսոնի շրջանները Ռուսաստանի անբաժանելի մասն են»․ Լավրով

Ուկրաինական հակամարտության տարածքային հարցի մասին խոսելով՝ Ռուսաստանի արտաքին գործերի նախարար Սերգեյ Լավրովը հայտարարել է, որ Ռուսաստանի Սահմանադրության համաձայն՝ Ղրիմը, Դոնեցկի և Լուգանսկի ժողովրդական հանրապետությունները, ինչպես նաև Զապորոժիեի և Խերսոնի մարզերը Ռուսաստանի անբաժանելի մասն են և սուբյեկտները, հայտնում է «ՌԻԱ Նովոստի»-ն։

«Ես կրկին ուզում եմ ասել, որ մենք նույնպես ունենք սահմանադրություն, և այդ սահմանադրության համաձայն՝ Ղրիմը, Դոնեցկի և Լուգանսկի ժողովրդական հանրապետությունները, ինչպես նաև Խերսոնի և Զապորոժիեի մարզերը Ռուսաստանի Դաշնության անբաժանելի, հավասար մասն են և սուբյեկտները։ Եվ ես կրկին կընդգծեմ այն, ինչ բազմիցս ասել եմ։ Մեզ տարածքներ պետք չեն։ Մեզ համար կարևորը այն մարդկանց ճակատագիրն է, որոնց նախնիները դարեր շարունակ զարգացրել են այս հողերը՝ կառուցելով քաղաքներ, ճանապարհներ և նավահանգիստներ... », - ասել է Լավրովը։