«Պատկան կառույցներից ասում են՝ եթե իմանանք՝ որտեղ են, անհայտ չէին կոչվի». անհետ կորած զինծառայողի մայր

Գտնվելու վայրն անհայտ զինծառայողի մայրը լրագրողների հետ զրույցում ասաց, որ վերջին անգամ տղայի հետ խոսել է 2020թ. հոկտեմբերի 7-ին: «Մնում էր երեք ամիս, որպեսզի որդիս վերադառնար: Մեր տղաներին տարել են ամենաթեժ կետեր, մենք տեղյակ էլ չենք եղել, իմացել ենք՝ զորամասերում ծառայություն են իրականացնում... Մինչև այսօր լուր չունենք»,- նշել է նա: Հարցին՝ ի՞նչ են ասում պատկան կառույցները, պատասխանել է. «Բոլոր կառույցներին դիմել ենք՝ Կարմիր խաչ, Կառավարություն, ԱԺ, էլ տեղ չենք թողել: Ասում են՝ եթե իմանանք՝ որտեղ են, անհայտ չէին կոչվի»: