«Հայաստանի իշխանությունները փորձում են մոռացության ենթարկել Արցախը»․ Աշոտ Դանիելյան

«Հայաստանի իշխանությունները փորձում են մոռացության ենթարկել Արցախը։ Արտաքին քաղաքական օրակարգից հանում են իրենց հայրենակիցների իրավունքների պաշտպանությունը. մենք պարտավոր ենք ընդդիմանալ այդ մոտեցմանը»,- այսօր Արցախի ԱԺ նախաձեռնած լսումների ժամանակ իր խոսքում ասաց ԱՀ ԱԺ նախագահ Աշոտ Դանիելյանը։ «ԵԱՀԿ Մինսկի խմբի գործունեությունը դադարեցվել է առանց ԼՂ ընտրված իշխանությունների հետ որևէ խորհրդակցության կամ համաձայնության։ Այն իրականացվել է Հայաստանի և Ադրբեջանի ղեկավարների դիմումի հիման վրա, որը կոպտորեն խախտում է միջազգային իրավունքը, արդարացնում է Արցախի հայ բնակչության դեմ իրականացված ցեղասպանությունն ու էթնիկ զտումը, և անտեսում 150 հազար մարդու հայրենիք վերադառնալու և ինքնորոշվելու անօտարելի իրավունքը»,- նշեց Աշոտ Դանիելյան։ «Այնուհանդերձ մենք չենք մոռանալու Արցախը, Արցախի Հանարապետությունը շարունակում է իր գոյությունը, թեև ժամանակավորապես օկուպացված է»,- հավելեց Արցախի ԱԺ նախագահը։