«Պոլիկլինիկայում ոչ մեկին չէր հետաքրքրում իմ առցանց հերթագրումը, դեղատնում հակաբիոտիկս տվեցին առանց դեղատոմսի». Հովսեփ Կուբատյան

«Ազգային առաջընթաց» խմբակցության անդամ Հովսեփ Կուբատյանի ֆեյսբուքյան գրառումը. «Երկար ժամանակ պոլիկլինիկայում չէի եղել։ Դե, անընդհատ ասում են՝ պետք է օնլայն հերթագրվես։ Հերթագրվեցի։ Գնացի, ոչ մեկին հետաքրքիր չէր իմ օնլայն հերթագրումը։ Հիպոկրատի ժամանակվա անկետաս ընդունարանից վերցրեցի, գնացի բժշկի մոտ, մի 40 րոպե հերթ կանգնեցի։
Հերթս հասավ, անտիբիոտիկ նշանակեց բժիշկը, օնլայն դեղատոմս դուրս գրեց։ Մտքումս ասացի՝ լավ ա, գոնե էս մի բանն աշխատում է։ Գնացի դեղատուն, անտիբիոտիկի անունը ասացի, դեղս տվեցին։ Ի՞նչ դեղատոմս, ի՞նչ «Արմմեդ»։
Հիմա ասածս ի՞նչ ա։ Էս նույն բարեփոխումներ անողներն ամսի 1-ից առողջապահության համապարփակ ապահովագրություն են ներդնում։ Վախենում ես, երբ պատկերացնում ես՝ ինչ է լինելու իրականում։ Հազար անգամ ասել եմ՝ ավելի լավ ա ոչ մի բանի ձեռք մի տվեք։
Նիկոլ Փաշինյանն ասում է, որ ամեն բարեփոխում պարտադիր հանդիպում է իր պրոբլեմին։ Բայց մոռանում է ասել, որ հանդիպում է ու այդ պրոբլեմի հետ հաշտ համերաշխ սկսում է ապրել»։