Մահացել է «Օսկարի» դափնեկիր Եվա Մարի Սեյնթը

102 տարեկանում մահացել է ամերիկացի դերասանուհի, «Օսկար» մրցանակի դափնեկիր Եվա Մարի Սեյնթը, հայտնում է CNN-ը՝ հղում կատարելով ընտանիքի ներկայացուցիչ Ջեֆ Սանդերսոնին։

Սեյնթն իր կինոդեբյուտը կատարել է Էլիա Կազանի «Նավահանգստում» (1954) դրամայում՝ մարմնավորելով Իդի Դոյլի կերպարը Մարլոն Բրանդոյի խաղընկերությամբ։ Այդ դերի համար նա արժանացել է «Օսկար» մրցանակի՝ որպես երկրորդ պլանի լավագույն դերասանուհի։ Նրա հետագա ամենահայտնի դերերից մեկը Իվ Քենդալի կերպարն էր Ալֆրեդ Հիչքոքի «Հյուսիս-արևմուտքով դեպի հյուսիս» (1959) ֆիլմում։ Սեյնթը նկարահանվել է նաև այնպիսի ֆիլմերում, ինչպիսիք են՝ «Ելքը», «Գրան պրին», «Ընդհանուր ոչինչ» և «Սուպերմենի վերադարձը»։ «Օսկարից» բացի՝ Սեյնթն արժանացել է նաև «Էմմի» մրցանակի՝ «Մեր պես մարդիկ» (People Like Us) մինի-սերիալում երկրորդ պլանի դերի համար։