Գողացել են Տափերական գյուղի` Վանից բերված 13-րդ դարի ավետարանը

Այսօր՝ դեկտեմբերի 7-ին, սրբապղծություն է տեղի ունեցել Արարատի մարզում։ Ինչպես տեղից հայտնում է ֆոտոլրագրող Գագիկ Շամշյանը, Տափերական գյուղի՝ դեռ խորհրդային տարիներից հայտնի տուն-մատուռից գողացվել է Վանից բերված «Չարխափան» Ավետարանը: Այն 13-րդ դարի Ավետարան է, որը փոխանցվել է սերնդեսերունդ։ Այսօր առավոտյան տան տերերը, ովքեր նաև մատուռի հարևանությամբ իրենց հարևանների ու համագյուղացիների հետ կառուցում են եկեղեցի, նկատել են, որ մատուռի երկաթե ճաղավանդակը, որը 4 կողմից եղել է մեխված բետոնե պատի մեջ, կոտրված է։

Ներսում հայտնաբերել են, որ հատուկ անկյունում տեղադրված 13-րդ դարի «Չարխափան» Ավետարանը գողացել են։
Առավել մանրամասն՝ սկզբնաղբյուրում: