«Պատմե՛ք, թե դուք ոնց էիք խաբում ժողովրդին ու ոնց գնացիք հրեշավոր արկածախնդրության»․ Արմեն Խաչատրյան

ՀԱԿ վարչության անդամ Արմեն Խաչատրյանի ֆեյսբուքյան գրառումը․ «Իշխանության ներկայացուցիչների ու դրանց սազանդարների (դամքաշների) ներկայացմամբ՝ դարի հրեշավոր գործարք են համարում Մեղրու գործարքը, ու կարծես հենց նոր բացահայտած լինեն էդ դավադրությունը։ Է, Ձեր պատրոնի թերթում 2008-ից տպված էր, մինչև հիմա վայ- վույ անեիք ու ողբ կապեիք։
Արդյոք թողել է հետևանք Մեղրիի շուրջ բանակցությունները ու դրան հաջորդած Քի Ուեսթի առաջարկը խաղաղ կարգավորման գործընթացի վրա։ Այո, թողել է, հենց դրա արդյունքում էր, որ Արցախը դուրս թողնվեց կարգավորման գործընթացից։
Բայց այ ազգակործաններ, նրանց սազանդարներ (դամքաշներ), դուք ձեր 2019թ․ կարգավորման պլանից խոսեք, ոնց հաջողացրեցիք ձախողել մի առաջարկ, որով կունենայինք վերահսկողություն Արցախի, Լաչինի ու Քալբաջարի վրա, կունենայինք լեգիտիմ ընտրված իշխանության մարմիններ Արցախում, վերադարձվող տարածքները կլինեին ապառազմականեցված, շփման գծում խաղաղությունը կերաշխավորեին միջազգային խաղաղապահ ուժեր, մնում էր հանրաքվեի հնարավորությունը։
Պատմեք, թե ոնց էիք խաբում ժողովրդին իբր 1991թ․, 1994թ․, 2007թ․, 2011թ․, 2016թ․ Արցախը հանձնելու մասին, ոնց էիք ստում Շուշիի մասին, ոնց գնացիք էդ հրեշավոր արկածախնդրությանը ու կորցրիք ամեն ինչ։ Ոնց էիք համոզում, որ բոլոր բանակցությունները Արցախը Ադրբեջանի կազմում թողելու մասին է եղել, ու ոչ մի այդպիսի առաջարկ չգտաք։
Դեռ բանավեճից էլ խոսում եք։ Ամոթ լիներ, գիտինը մտած կլինեիք»։