Երմակը հրաժարական տվեց ԱՄՆ մեկնելուց մեկ օր առաջ

Վլադիմիր Զելենսկու աշխատակազմի ղեկավար Անդրեյ Երմակի հրաժարականը տեղի է ունեցել նրա Մայամի կատարելիք այցից մեկ օր առաջ՝ ԱՄՆ նախագահ Դոնալդ Թրամփի թիմի հետ խաղաղության բանակցությունների համար, հաղորդում է Axios-ը՝ հղում անելով ուկրաինացի երկու պաշտոնյաների։
Ուրբաթ օրը Վլադիմիր Զելենսկին ստորագրել է Երմակին աշխատանքից ազատելու հրամանագիր։

«Երմակի հրաժարականը տեղի է ունեցել նրա Մայամի կատարելիք ծրագրված ուղևորությունից մեկ օր առաջ՝ Թրամփի թիմի հետ խաղաղության ծրագրի շուրջ բանակցությունների համար… Ակնկալվում էր, որ Երմակը այս շաբաթավերջին Զելենսկու մի քանի խորհրդականների հետ կժամանի Մայամի և բանակցություններ կվարի Թրամփի դեսպաններ Սթիվ Վիտկոֆի և Ջարեդ Քուշների հետ», - հաղորդում է պորտալը։

Ավելի վաղ Գերագույն Ռադայի խոսնակ Յարոսլավ Ժելեզնյակը հայտնել էր, որ Ուկրաինայի ազգային հակակոռուպցիոն բյուրոն (NABU) և կոռուպցիայի դեմ պայքարի մասնագիտացված դատախազությունը (SAPO) խուզարկություններ են անցկացնում Երմակի տանը՝ Ուկրաինայի էներգետիկ ոլորտում բռնկված կոռուպցիոն սկանդալի ֆոնին։