Հոնկոնգում հրդեհի զոհերի թիվը հասել է 36-ի, հարյուրավոր մարդիկ անհետ կորած են

Հոնկոնգում հրդեհի զոհերի թիվը հասել է 36-ի, հաղորդում է HK01 տեղական լրատվամիջոցը:

Բացի այդ, 279 մարդ դեռևս անհետ կորած է համարվում, իսկ 29 վիրավոր հոսպիտալացվել է։ Նրանցից 7-ը գտնվում են ծանր վիճակում։

Հրշեջ ծառայությունն աստիճանաբար իրավիճակը վերահսկողության տակ է վերցնում։ Հրդեհը մարելու համար բնակելի համալիր է ուղարկվել ավելի քան 20 հրշեջ մեքենա։

Ավելի վաղ հայտնել ենք, որ մեծածավալ հրդեհ է բռնկվել Հոնկոնգի Թայ Պո շրջանի մի քանի բարձրահարկ բնակելի շենքերում, որտեղ ապրում է մոտ 4000 բնակիչ։ Ոստիկանությունը հայտնում է, որ բնակիչներ են մնացել ներսում։

Հրդեհի պատճառը դեռևս պարզված չէ։ Հրդեհը արագ տարածվել է ճակատային վերանորոգման համար օգտագործվող բամբուկե կառույցների միջով։ Բնակիչներն ասում են, որ աշխատանքները պետք է ավարտվեին մինչև մայիս, բայց այն ձգձգվել է ավելի քան մեկ տարի։ Բացի այդ, նրանք նաև բազմիցս դժգոհել են, որ շինարարները ծխում են: