«Ղազախստանն ու Հայաստանը ռազմավարական գործընկերության վերաբերյալ պատմական փաստաթուղթ կստորագրեն»․ Տոկաև

Ղազախստանն ու Հայաստանը կստորագրեն միջպետական ​​հարաբերությունները նոր մակարդակի բարձրացնող փաստաթուղթ։ Այս մասին հայտարարել է Ղազախստանի ղեկավար Կասիմ-Ժոմարտ Տոկաևը՝ Հայաստանի վարչապետի հետ բանակցությունների ժամանակ, հաղորդում է «Kazinform»-ը։

Տոկաևի խոսքով՝ երկու երկրների միջև ձևավորվել է բաց և վստահելի քաղաքական երկխոսություն։ Տարածաշրջանային և միջազգային կառույցներում հաստատվել են սերտ և արդյունավետ կապեր։ Համագործակցությունը առևտրի, տնտեսության, մշակույթի, մարդասիրական, ինչպես նաև գիտակրթական ոլորտներում կայուն զարգանում է։

«Մի խոսքով, մեր միջպետական ​​հարաբերությունները եզակի են։ Մենք մեծ հնարավորություններ ունենք մեր համագործակցության հետագա զարգացման համար։ Այսօր մենք կստորագրենք պատմական փաստաթուղթ, որը մեր երկրների միջև հարաբերությունները կբարձրացնի ռազմավարական մակարդակի»,- նշել է նախագահը։