«Սերժ Սարգսյանի հարցազրույցից վառված էին, մուռը հանել են այն կազմակերպած տղաներից»․ Արմեն Աշոտյան

«Սերժ Սարգսյանի հարցազրույցից վառված էին, մուռը հանել են այս պարագայում նաև այդ հարցազրույցը կազմակերպած, վարած, միքիչ էլ անբռնազբոսիկ ոճով վարող տղաներից»,- ճեպազրույցի ժամանակ այս տեսակետ է հայտնել ՀՀԿ փոխնախագահ Արմեն Աշոտյանը՝ խոսելով «Իմնեմնիմի» փոդքասթի համահեղինակներ Նարեկ Սամսոնյանին և Վազգեն Սաղաթելյանի ձերբակալման մասին։ «Ակնհայտ է, որ սիրենք այս լրատվական ոճը՝ չսիրենք, հավանենք՝ չհավանենք, հյուրընկալվենք, թե ոչ՝ Նարեկը և Վազգենը Հայաստանի ընդդիմադիր քաղաքական քարոզչական լրատվական դաշտի ընդգծված դերակատարներ էին և այն փաստը, որ դա տեղի է ունենում Սերժ Սարգսյանի ռեզոնանսային մեգահարցազրույցից հետո՝ միայն ընդգծում է դրա քաղաքական բաղադրիչը։ Էս թեման քֆուրի մասին չի, եթե քֆուրի մասին ա, ՔՊ-ի կեսը պիտի նստեր, ՔՊ-ի ֆեյք շոուների կեսը պիտի դատվեր արդեն, որովհետև քֆուրը իրենք են բերել մշակույթ»։